Lögreglan á Spáni hefur hafið rannsókn eftir að lík pars fundust í gær í íbúð í Las Palmas á Kanarí, og bera þau bæði merki um ofbeldisfullan dauða, að sögn heimildarmanna innan lögreglunnar.

Hinir látnu eru 43 ára kona og 35 ára karlmaður, bæði af filippseyskum uppruna. Þau fundust inni í íbúð við Calle Bernardo de la Torre í höfuðborg eyjarinnar.

Þótt aðstæður málsins séu enn óljósar hafa heimildir innan lögreglu staðfest að konan hafi áður lagt fram kæru gegn manninum vegna ofbeldis. Málið hafi síðar verið látið niður falla.

Engar frekari upplýsingar hafa verið gefnar upp, þar sem dómari sem fer með málið hefur úrskurðað rannsóknina undir leynd.