Rúnar Freyr Gíslason leikari er vonarpeningur Sjálfstæðisflokksins í Reykjavík þar sem hann situr í einu af baráttusætum á lista flokksins. Rúnar hefur áður komið við sögu hjá flokknum án þess að sögur fari af miklu fylgi. Hann hefur átt í harðri baráttu vegna fíknivanda og reifaði þau mál af nokkurri einlægni í viðtali við hlaðvarp Jóns Ólafssonar tónlistarmanns.

Rúnar lýsti því hvernig honum tókst að sigrast á þeim djöflum sem eltu hann um árabil. Fram kom að hann hafi verið búinn að brenna flestar brýr að baki sér í öllu ruglinu. Þessu tengt kom hann við sögu í Metoo-byltingunni þar sem hann þótti hafa verið stjórnlítill á þessum tíma. Viðtalið er eflaust liður í því að tæma málið svo ekki rísi gamall skandall á nýjum belg ...