Sigríður Björk Guðjónsdóttir, fyrrverandi ríkislögreglustjóri, hefur látið af störfum í dómsmálaráðuneytinu og tekið við nýrri stöðu í mennta- og barnamálaráðuneytinu.

Þar starfar hún nú sem sérfræðingur á skrifstofu ráðuneytisins, samkvæmt upplýsingum á heimasíðu þess en Vísir greindi fyrst frá.

Hún óskaði í nóvember á síðasta ári eftir því að hætta í embætti ríkislögreglustjóra og hóf þá störf sem sérfræðingur hjá dómsmálaráðuneytinu. Áður hafði hún sætt töluverðri gagnrýni í kjölfar umfjöllunar um viðskipti embættisins við fyrirtækið Intru.

Ríkislögreglustjóri keypti þjónustu af fyrirtækinu fyrir um 160 milljónir króna og var peningurinn notaður til að kaupa á húsbúnað og ráðgjöf vegna flutninga.