Nýlega birti lögreglan myndskeið sem sýnir skólameistara í framhaldsskóla í Oklahoma verða fyrir skoti í fótlegg eftir að hann stökk á vopnaðan mann sem hafði farið inn í skólann í leyfisleysi, að sögn yfirvalda en atvikið átti sig stað 7. apríl síðastliðinn.

Ástand skólameistarans, Kirk Moore við Pauls Valley High School, er stöðugt og engir nemendur slösuðust í skotárásinni.

Hinn grunaði, 20 ára fyrrverandi nemandi skólans, var handtekinn á vettvangi, að sögn talsmanns rannsóknarlögreglunnar í Oklahoma.

Hið 48 sekúndna myndband sýnir Moore stökkva á árásarmanninn, fella hann á bekk á meðan nemendur í nágrenninu hlaupa í burtu.

Samkvæmt yfirvöldum brugðust Moore og aðrir starfsmenn hratt við þegar þeir sáu manninn ganga inn í skólann vopnaðan.

„Maðurinn náði að skjóta nokkrum skotum og þar særðist skólastjórinn, en enginn annar,“ sagði talsmaðurinn. „Viðbrögð starfsfólksins og það að skólastjórinn steig strax inn í aðstæður bjargaði lífum í dag.“

Ríkisstjóri Oklahoma, Kevin Stitt, sagði að Moore hefði „sýnt hugrekki með því að verja líf nemenda“ og að hann og eiginkona hans biðju fyrir skjótum bata hans.

„Ég er þakklátur fyrir skjót viðbrögð lögreglu og starfsfólks skólans og feginn að enginn nemandi slasaðist,“ sagði hann í færslu á samfélagsmiðlinum X.

Pauls Valley er samfélag með um 6.000 íbúa, um 100 kílómetra suður af Oklahoma-borg.