Leiðtogi Miðflokksins á Seltjarnarnesi, Skafti Harðarson, þykir bæði skemmtilegur og sumpart vera skrýtin skrúfa. Hann er þekktur fyrir Samtök skattgreiðenda. Slúðrað er um að fjöldi félagsmanna sé teljanlegur á fingrum annarrar handar. Samtökin eru helst sýnileg á síðum Moggans þar sem hentaði að vitna til þeirra í þágu áróðursdeildar Sjálfstæðisflokksins í aðdraganda kosninga.

Samtökin áttu algjöra samleið með áherslumálum flokksins allt þar til Skafti gekk í Miðflokkinn nýverið. Hann hefur lengi staðið í skjóli Hannesar H. Gissurarsonar og þykir líklegt að prófessorinn umdeildi hafi velþóknun á vistaskiptunum. 

Skafti vakti undrun margra fyrir hugmyndir sínar í oddvitakappræðum á RÚV í liðinni viku þar sem hann lagði meðal annars til að Seltjarnarnes segði upp samningi sínum við Strætó og að staðinn myndi bærinn reka sínar eigin almenningssamgöngur á landi og sjó. 

Ekki er búist við að þessar hugmyndir eigi upp á pallborðið á Nesinu, jafnvel hefur fólk sem situr á lista Miðflokksins með Skafta hafnað þeim sem dellu ...