Sprenging varð á gangstétt fyrir utan stóra alríkisskrifstofu í New York í morgun og handtóku lögreglumenn grunaðan mann skömmu síðar.

Á myndskeiði frá vettvangi sést sprengingin verða fyrir utan 26 Federal Plaza um klukkan 8:30 að staðartíma. Þykkur hvítur reykur lagði frá sprengjunni á meðan vegfarendur leituðu skjóls og lögreglumenn og alríkisstarfsmenn hlupu út úr byggingunni, sumir vopnaðir.

Myndbandið sýnir einnig þegar lögreglumenn hlaupa að gangstéttinni, umkringja mann og yfirbuga hann áður en hann er handtekinn.

Heimildir TMZ innan lögreglu segja að einstaklingur hafi komið fyrir íkveikju- eða sprengibúnaði fyrir utan alríkisbygginguna. Maðurinn var handtekinn á vettvangi og sérsveit bandarísku alríkislögreglunnar FBI, sem rannsakar hryðjuverk, fer nú með rannsókn málsins.

Í kjölfar atviksins var fólk beðið um að yfirgefa svæðið á meðan lögregla lokaði svæðinu og tryggði öryggi á vettvangi.

Ekki hefur verið upplýst hvers konar búnaður var notaður né hvaða hvati lá að baki verknaðinum.

Engin slys hafa verið tilkynnt.