Sagt er að Björg Magnúsdóttir, oddviti Viðreisnar í Reykjavík, hafi gert marga stjórnmálamenn í borginni pirraða og undrandi.
Flokkurinn er í algjörri lykilstöðu þegar kemur að myndun meirihluta í borginni ef marka má kannanir og virðist Björg hafa ákveðið að setja út á aðra flokka fremur en að kynna áherslur eigin flokks.
Frambjóðendur Sjálfstæðisflokksins og Miðflokksins eru sumir hverjir í miklu uppnámi eftir að Björg kallaði stefnu þeirra gagnvart Samgöngusáttmálanum „beinlínis svik við Reykvíkinga” en um er að ræða sennilega stærsta kosningamálið í ár.
Þá skrifaði Björg pistil á samfélagsmiðla þar sem hún kennir Samfylkingunni um ástandið í leikskólamálum borgarinnar. Þar klóra menn sér í hausnum yfir þeim athugasemdum enda hefur Viðreisn tekið þátt í meirihlutasamstarfi með Samfylkingunni undanfarin átta ár. Í einhverjum orðabókum myndi slíkt flokkast sem svik ...
