Davíð Örn Símonarson, einn stofnenda og framkvæmdastjóri Smitten, og Unnur Birna Magnúsdóttir, fyrrverandi flugfreyja Wow Air, hafa sett íbúð sína við Miðvang 10 í Hafnarfirði á sölu. Ásett verð eignarinnar er 83,9 milljónir króna

Um er að ræða töluvert endurnýjaða fjögurra herbergja íbúð á fyrstu hæð í fjölbýlishúsi sem reist var árið 1971. Eignin er samtals 125,8 fermetrar, þar af er íbúðin sjálf 118,3 fermetrar og sérgeymsla í kjallara 7,5 fermetrar.

Íbúðin skiptist meðal annars í þrjú svefnherbergi, stofu og borðstofu, eldhús, þvottahús, búr og rúmgott baðherbergi. Útgengt er á yfirbyggðar svalir bæði úr stofu og hjónaherbergi.

Eldhúsið er með innréttingu frá Fríform, ofni í vinnuhæð og helluborði. Þvottahús er inn af eldhúsinu og þaðan er gengið í búr. Á baðherberginu er baðkar og innréttingar frá Fríform.

Tvö barnaherbergi eru í íbúðinni, bæði með fataskápum, auk rúmgóðs hjónaherbergis með miklu skápaplássi og nýlegu mjúku teppi.

Húsinu hefur verið klætt að utan og eigninni fylgir sérgeymsla í kjallara. Þá er sameiginleg hjóla- og vagnageymsla í húsinu.

Í sölulýsingu er staðsetning eignarinnar sögð fjölskylduvæn og stutt í helstu þjónustu, skóla og leikskóla.