Undanfarnar vikur hafa stuðningsmenn Áslaugar Örnu Sigurbjörnsdóttur mikið talað um hversu góður ræðumaður ráðherrann fyrrverandi er en því miður fyrir þá og hana var einstaklega vandræðalegt að hlusta á dómsmálaráðherra fyrrverandi reyna sannfæra aðra Sjálfstæðismenn um ágæti sitt á landsfundi flokksins í gær.

Ræðan var sjálf ekki illa flutt en innihaldið var vandræðalega þunnt og lítið um sjálfsskoðun. Svo virðist vera að allt það sem er að á Íslandi í dag sé Kristrúnu Frostadóttur forsætisráðherra að kenna. Áslaug virðist ekki aðeins gleyma fartölvum á djamminu heldur líka þeirri staðreynd að flokkur hennar hefur verið við stýrið frá 2013 allt þar til seint í fyrra og að Kristrún hafi aðeins verið forsætisráðherra í rúma tvo mánuði. Þá virðist hún sömuleiðis hafa gleymt að hún var sjálf ráðherra frá 2019 til 2024.

Þá hjálpaðu orð Áslaugar um meinta hræðslu vinstri manna við Sjálfstæðisflokkinn henni ekki vitund en hún virðist einnig hafa gleymt því að flokkurinn hefur aldrei verið óvinsælli í sögunni og er í minnihluta. Forvitnilegt verður að sjá hvort að gestir landsfundarins láta glepjast af orðum Áslaugar og kjósi hana sem formann …