Falleg og vel viðhaldin íbúð á annarri hæð í fjórbýlishúsi í Þingholtunum hefur verið sett á sölu á 82,9 milljónir króna.

Um er að ræða eftirsótta staðsetningu þar sem stutt er í Hljómskálagarðinn, miðbæ Reykjavíkur og fjölbreytta þjónustu, auk þess sem íbúðin er í göngufjarlægð frá BSÍ og Reykjavíkurflugvelli.

Eignin stendur á stórri lóð og fylgir henni sérbílastæði, sem telst mikill kostur á þessu svæði. Húsið var byggt árið 1932 en íbúðin hefur á undanförnum árum fengið umfangsmikla endurnýjun og viðhald.

Meðal nýlegra framkvæmda má nefna lagningu límdu eikarparkets, endurnýjun eldhúsinnréttingar, glugga og baðherbergis. Þá hafa ofnar verið hreinsaðir og sandblásnir og sérstakur hljóðdúkur verið settur í loft til að bæta hljóðvist í íbúðinni.

Íbúðin skiptist í forstofu, eldhús, baðherbergi, svefnherbergi og tvær samliggjandi stofur, þar sem önnur þeirra er nýtt sem svefnherbergi.

Það eru þau Erlendur Sveinsson og Helga Jóakimsdóttir sem eiga þessa fallegu íbúð en Erlendur er einn af bestu leikstjórum landsins um þessar mundir og vann meðal annars verðlaun fyrir besta tónlistarmyndbandið á Hlustendaverðlaununum 2026. Fékk hann verðlaun fyrir hafa leikstýrt myndbandinu Vopn sem Aron Can og Birnir flytja.