Nokkrir fjölmiðlar hafa komist yfir ísraelsk leyniskjöl og í þeim er upplýsingar að finna sem benda til þess að miklu færri liðsmenn Hamas hafi verið drepnir af ísraelska hernum á Gaza en haldið hefur verið fram hingað til.

Þar kemur fram að rúmlega 80 af hundraði sem ísraelsher hefur myrt séu almennir borgarar, en um það bil 83 prósent myrtra á Gaza eru almennir borgarar.

Einnig kemur fram að tæplega níu þúsund þeirra sem myrt hafa verið - eða voru talin af í maí síðastliðnum - af völdum hernaðaðar Ísraelshers, eru liðsmenn Hamas; en ekki um 20 þúsund líkt og forsætisráðherrann hefur fullyrt.

Þetta sýna ísraelsku leyniskjölin sem láku út frá hernum og þrír fjölmiðlar hafa komist yfir og birt fréttir upp úr; breska Guardian, ísraelsku +972 sem og Local Call.

Í leyniskjölunum má finna 47.653 nöfn þeirra sem taldir eru tilheyra herskáum armi Hamas.

Það hefur lengi legið ljóst fyrir að fjöldi látinna í þjóðarmorði Ísraela á íbúum Palestínu sé mun fleiri en til dæmis forsætisráðherra Ísraels og hans ríkisstjórn hafa haldið fram. Ekki hefur ennþá tekist að nafngreina alla auk þess sem mikill fjöldi fórnarlamba liggur enn grafinn undir rústum húsa.

Þá hafa margir látið lífið af óbeinum völdum þjóðarmorðsins enda ríkir hungusneyð á Gaza og ýmis hryllileg veikindi fylgja henni líkt og.

Það er ekki beint mark takandi á forsætisráðherra Ísraels því hann og herinn véfengdi ekki tölurnar í leyniskjölunum í svari við fyrirspurnum +972 og Local Call í júlí síðastliðnum; en skipti síðan alveg um kúrs og sagði við Guardian að þær væru kolrangar og endurspegluðu verulega mikla vanþekkingu á hernaðarstarfsemi.

Í maí síðastliðnum greindi heilbrigðisráðuneyti Hamas á Gaza að 53 þúsund Palestínumenn hafi verið myrtir, en það aðgreinir eigi almenna borgara og liðsmenn Hamas.

Á mannamáli þýðir þetta að um það bil 83 af hundraði þeirra sem Ísraelsher hefur myrt eru almennir borgarar; tæplega fimm af hverjum sex. Og það er allt annað hlutfall en stjórnvöld í Ísrael hafa haldið fram - einn á móti einum; sagði forsætisráðherra Ísraels að það væri lægsta hlutfall milli almennra borgara og vígamanna í sögu nútímahernaðar.

Eins og gefur að skilja er fjöldi látinna bardagamanna nokkuð á reiki og stjórnvöld í Ísrael og í Palestínu halda fram ólíkum tölum um mannfall; tölurnar fjórtán og sautján þúsund hafa verið nefndar um mitt síðasta ár en talan tuttugu þúsund kom um síðustu áramót frá forsætisráðherra Ísraels.

Margar alþjóðastofnanir eins og Sameinuðu þjóðirnar taka mark á tölum frá heilbrigðisráðuneyti Hamas, og nýverið birti bandaríska dagblaðið Washington Post lista þar sem kom fram að meira en 18.500 börn undir 17 ára aldri hafa verið.

Þámá benda á að nýlega flutti ísraelska fréttastöðin Channel 12 upptöku sem lak úr gögnum ísraelska hersins þar sem yfirmaður þar segir að myrða þurfi 50 Palestínumenn fyrir hvern íbúa í Ísrael; og ekki skipti máli þótt fólkið væru á barnsaldri eður ei.