Ríkið mun auka stuðning við Grindvíkinga vegna náttúruhamfara undanfarna mánuða en gildir það við afkomustuðning og húsnæðisstuðning en bærinn var upphaflega rýmdur 10. nóvember á síðasta ári en einhverjir íbúar höfðu þó snúið til baka og sofið í bænum.
„Við erum búin að ákveða að setja stóraukinn kraft í það að tryggja húsnæði sem hefur verið óviðunandi þrátt fyrir þessi uppkaup þar sem við keyptum 80 – þá er þörfin enn þá meiri,“ sagði Katrín Jakobsdóttir forsætisráðherra við mbl.is eftir ríkisstjórnarfund í morgun.
„Mögulega eru líka atburðir helgarinnar að valda því að þau sem hafa verið sátt við að vera í skammtímahúsnæði sjá núna fram á að þau þurfa húsnæði til lengri tíma. Við vorum að fara yfir það framboð sem er í boði og hvað við getum ráðist í út frá því,“ en ljóst er að Grindavíkurbær er ekki hæfur til búsetu á næstunni. Þó þurfi að meta tjón á eignum en Náttúruhamfaratryggingar Íslands sjá um slíkt.
„Nú þarf að fara aftur af stað í þeim efnum, hvað varðar tjón í bænum. Það er alveg ljóst að Grindvíkingar kalla mjög eftir því að þeirri vinnu verði lokið. Við sáum fram á að við væru mjög langt komin en við þurfum að endurmeta þá stöðu.“
Katrín heldur þó í vonina að hægt verði að búa í bænum.
„Okkar áætlanir miðast við það að halda áfram aðgerðum til að verja byggð í Grindavík og halda áfram byggingu varnargarða sem við erum byrjuð á og hafa þegar sýnt gildi sitt þó að ekki verði við allt ráðið eins og sjá má á þeirri sprungu sem kom upp innan varnargarða. Þá sjáum við líka hversu miklu þeir geta skipt. Þannig að okkar aðgerðir miðast við það.“
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir