Lögreglan leitar að tveimur þjófum sem stálu úr verðmætaflutningabíl

Lög­reglan á höf­uð­borg­ar­svæð­inu leitar að tveimur þjófum sem brut­ust inn í bíl í Hamra­borg í Kópavogi í gær­morgun.

Til­kynn­ing barst á Facebook-síðu lög­regl­unnar á höf­uð­borg­ar­svæð­inu fyrir stundu en þar er lýst eftir tveimur þjófum sem brut­ust inn í bif­reið í Hamra­borg í Kópavogi á tíunda tím­anum í gær­morgun og höfðu á brott með sér veru­lega fjár­muni. Skúrk­arnir voru á dökk­gráum Toyota Yaris en bíll­inn var á tveimur mis­mun­andi núm­era­plötum, NMA 87 að aftan og SLD 43 að framan en báðum núm­er­unum hafði verið stolið af öðrum öku­tækjum. Lýst var eftir bif­reið­inni í gær en er enn ófundin.

Ath. Með­fylgj­andi eru myndir af sams­konar bíl.

Samkvæmt frétt DV var bif­reiðin sem þjófarnir stálu úr verð­mæta­flutn­inga­bíll en tveir starfs­menn, bíl­stjóri og far­þegi í bílnum voru teknir í skýrsla­töku lög­reglu í gær.

Þau sem geta gefið upp­lýs­ingar um ferðir bíls­ins, eða þjóf­ana, eru vin­sam­leg­ast beðin um að hafa sam­band við lög­reglu í síma 112. Upp­lýs­ingum má einnig koma á fram­færi í tölvu­pósti á net­fangið [email protected]