Kristinn Hrafnsson bendir með köldum hætti á sinnuleysi margra þegar snýr að þjóðarmorðunum sem eiga sér stað í rauntíma og í beinni útsendingu á Gaza, í nýrri færslu á Facebook.
Færslan er stutt en sterk. Þar líkir hann sinnuleysi almennings varðandi það sem er að gerast á Gaza, við sinnuleysi þýsku þjóðarinnar í seinni heimstyrjöldinni. Birti hann skjáskot við færsluna, frá frétt af nýjustu dánartölu Palestínumanna en hún er komin upp í að minnsta kosti 19.677 manns. Ljósmynd af látnum börnum í reifum fylgir fréttinni.
Færslan:
„Jólapakkarnir á Gaza.
„Gjafir“ ísraelska hersins.Það hefur vakið endalaus heilabrot hvernig þýska þjóðin gat hrunið í hugvilluna sem hvolfdist yfir hana á fjórða áratug síðustu aldar.Áhugasamir geta fræðst um það í gegnum speglun þeirra villu í okkar samtíma.“
Lilja nokkur skrifar athugasemd við færsluna þar sem hún furðar sig á orðum Kristins. „getur þú útskýrt nánar hvað þú meinar ? Ég vil ekki trúa því að þú sért í alvörunni að segja það sem ég les út úr þessu.“
Þessu svarar Kristinn um leið: „Það sem ég skrifa er skýrt og ekkert flókið að skilja það. Að þú skulir eiga erfitt með að trúa þínum skilningi er einmitt huti af vandanum.“
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir