Reynir Pétur Steinunnarson vakti athygli landans árið 1985 þegar hann gekk hringinn í kringum landið meðal annars til að vekja athygli á málefnum fatlaðra og safna fyrir byggingu nýs íþróttahúss að Sólheimum. Reynir Pétur fæddist heilbrigður en fékk heilahimnubólgu nokkurra mánaða gamall og tæplega fjögurra ára flutti hann á Sólheima þar sem hann hefur búið síðan. Hann talar í viðtali við Mannlíf meðal annars um æskuna, lífið á Sólheimum, gönguna, fálkaorðuna og dauðann.