Már hefur ítrekað sagt okkur sek

Atburða­rás sem hófst 27. mars 2012 lauk í síð­ustu viku með sýknu­dómi Samherja í Hæsta­rétti. Seðla­banki Íslands skipu­lagði og fram­kvæmdi hús­leit á starfs­stöðvum Samherja árið 2012 og í kjöl­farið lýsti banka­stjóri SÍ því yfir að grunur léki á tug­millj­arða und­an­skotum á gjald­eyri á vegum fyr­ir­tæk­is­ins, en á þessum tíma voru gjald­eyr­is­höft á Íslandi og skila­skylda á gjald­eyri. Á þeim tæp­lega sjö árum sem liðin eru hefur komið í ljós að ekk­ert var hæft í ásök­unum bank­ans og smám saman hefur mála­rekstur bank­ans rýrnað í roð­inu, þar til nú, að Samherji hefur verið sýkn­aður af öllum ákærum.

„Ég bjóst ekki við neinu öðru,“ segir Þor­steinn Már Bald­urs­son um nið­ur­stöðu Hæsta­réttar.

Um upp­haf máls­ins segir hann að frétta­stofu RÚV hafi verið gert aðvart um hús­leit­ina áður en hún fór fram. „Fjöl­miðlar eru boð­aðir á stað­inn áður en hús­leit­ar­menn koma til. Þarna eru mættir sjón­varps­menn frá RÚV bæði í Reykja­vík og Akureyri, þeir hafa þurft að taka kvöld­vél­ina, þá send til­kynn­ing um hús­leit­ina um allan heim bæði á íslensku og ensku. Þá var send frétta­til­kynn­ing um kæru áður en kæran var send Sér­stökum sak­sókn­ara.“

Þor­steinn Már undr­ast þrá­kelkni stjórn­enda Seðla­bank­ans í mál­inu. „Manni leið alltaf [eins og] að [Seðla­bank­ann] vant­aði bara eitt­hvað til að mál­inu lyki ekki.“ Kæru­efnin fengu öll efn­is­lega með­ferð hjá Sér­stökum sak­sókn­ara. Ekkert kom fram við skoðun Sérstaks sak­sókn­ara sem benti til vís­vit­andi und­an­skota Samherja.

„Við höfðum rekið sölu­fyr­ir­tæki á Íslandi til fjölda ára. Við höfðum selt afurðir fyrir erlend fyr­ir­tæki, en þegar gjald­eyr­is­lögin komu urðum við að taka pen­ing­ana heim, við vorum til dæmis að selja grá­lúðu fyrir þýskan tog­ara, en auð­vitað á þýska fyr­ir­tækið afla­verð­mætið, en við vorum að taka fast hlut­fall fyrir að selja fisk­inn. Þá urðum við að taka pen­ing­ana heim, en svo að sjálf­sögðu að skila honum til Þýska­lands.[…] Sér­stakur sak­sókn­ari fjall­aði um fisk­verð, gjald­miðla­skil og svo fram­vegis og komst að þeirri nið­ur­stöðu að allt væri í standi, þá fann [Már] upp á þessu,“ segir Þor­steinn Már um til­raunir Seðla­bank­ans til að halda lífi í mál­inu, þrátt fyrir að sak­sókn­ari sæi ekki ástæðu til ákæru.

„Már er búinn að segja ítrekað í fjöl­miðlum að við séum sek,“ segir Þor­steinn Már og telur að það sé lög­brot af hálfu valda­mik­ils emb­ætt­is­manns að fella þennan dóm gagn­vart sak­lausu fólki.

Hann álítur Seðla­bank­ann hafa hrak­ist vígi úr vígi á þessum árum sem liðin eru frá hús­leit­inni. „Það er svo oft sem kemur fram skýr ásetn­ingur hjá Seðla­bank­anum. Eins og þegar þeir segj­ast hafa fundið gögn sem stað­festi und­ir­verð­lagn­ingu. Málið sner­ist um fjórtán sölur á sjó­frystum flökum, fjórar til Póllands og tíu til tengds aðila í Bret­landi. Það vill svo til að allar söl­urnar til Englands eru á hærra verði en til Póllands. Það eina sem þú sérð út úr þessu er að þeir blönd­uðu saman pundum og evrum.“

Hann seg­ist ekki vera einn í Samherja. „Það vinna mörg hund­ruð manns hjá fyr­ir­tæk­inu. Það er búið að kæra þónokkra ein­stak­linga, fólk verður að skilja að það að vera með stöðu sak­born­ings í mörg ár, með banka­stjór­ann gap­andi hægri vinstri – það er mjög þung­bært.“

Spurður að því hvort mál­inu sé lokið segir Þor­steinn Már: „Bankinn hefur ótak­mark­aða pen­inga til að verja sig og hefur haft ótrú­legt hug­mynda­flug í að búa til á okkur glæpi. Fyrir mér þá verður þessu máli að ljúka. Því verður aldrei lokið nema að Már Guð­munds­son víki. Hann er búinn að brjóta svo illa af sér í opin­beru starfi.“

Texti / Sig­mundur Ernir Rún­ars­son