Íslensk erfðagreining gefur Landspítalanum búnað

For­stjóri Íslenskrar erfða­grein­ingar segir fyr­ir­tækið ætla að gefa Land­spít­al­anum hug­búnað sem muni gagn­ast við að halda utan um sýni og gögn. Starfs­fólk ÍE geti lið­sinnt spít­al­anum lendi hann í vanda.

„Við munum gefa honum hug­búnað sem við settum saman til þess halda utan um sýni og gögn og senda þangað fólk til þess að kenna á hann. Og þess utan ef þau lenda í vanda, eða út í mýri, þá erum við hér, atvinnu­menn og konur í því að vera út í alls konar mýrum og kunnum að takast á við það og rjúkum til og hjálpum. Þetta verður í fínu lagi,“ segir Kári Stef­áns­son, for­stjóri Íslenskrar erfða­grein­ingar, í yfir­lýs­ingu á Facebook.

Þar tekur hann fram að vin­skapur ríki á milli sín og Ölmu Möller, land­læknis og Þórólfs Guðna­sonar sótt­varna­læknis. „Vegna orða sem hafa fallið víða á fb vil ég árétta eft­ir­far­andi: Sam­skipti mín við þrí­eykið hafa verið mjög góð og ég lít á Ölmu og Þórólf sem góða vini og frá­bært sam­starfs­fólk.“

Kári segir það hins vegar ekki vera verk­efni Íslenskrar erfða­grein­inar að skima eftir veirum. „Við gerðum það meðan far­ald­ur­inn gekk yfir landið vegna þess að þess þurfti og eng­inn annar til þess. Nú er ástandið allt annað og ekki rétt­læt­an­legt fyrir okkur að halda því áfram,“ segir hann og bætir við að Land­spít­al­inn sé ágæt­lega í stakk búinn til þess að takast á við það verk­efni.