Sólveig biður þig um að vera heima: „Ég er bara að reyna að lifa af“

Sólveig Hauks­dóttir hjúkr­un­ar­fræð­ingur birtir á Twitter mynd af sér við hennar dags­legu störf. Líkt og sjá má á mynd­inni þá er ekk­ert grín að starfa á spít­ala á Íslandi í dag. „Hæ, hérna… Nennið þið ekki bara að vera heima hjá ykkur? Takk,“ skrifar Sólveig.

Nokkrir menn hafa notað tæki­færið til að hnýta í hana þar sem mynd hennar hefur slegið í gegn á Twitter. Sólveig hefur svarað því mál­efna­lega og segir hjarð­ó­næmi ekki raun­hæfan kost. „Eiga allir að vera heima hjá sér þar til hjarð­ó­næmi hefur náðst á heims­vísu?,“ spyr einn maður Sólveigu. Því svarar hún:

„Hjarð­ó­næmi er aldrei að fara að ger­ast, sama hvað við gerum. En við gætum kannski sleppt því að vera út um allt svona rétt á meðan það eru 90 smit að með­al­tali á dag, þar af bara helm­ing­ur­inn í sótt­kví. Af því að ég nenni ekki að standa í þessu rugli þangað til við fáum bólu­efni.“

Maðurinn spyr þá: „En er skyn­sam­legt að miða allar aðgerðir við að bólu­efni ber­ist fyrr en síðar? Hvað ef það tekur lengri tíma en nokkra mán­uði eða bara klikkar?“

Margrét segir það einu von­ina. „Til þess að hjarð­ó­næmi mynd­ist þurfa 70% mann­kyns að mynda mótefni. Fórn­ar­kostn­að­ur­inn við það plan er svo gígantískur að við verðum ein­fald­lega að treysta á að bólu­efni finn­ist fyrr eða síðar. Ég er ekki fylgj­andi því að við hættum öllu þangað til bólu­efni finnst. Það er óraun­hæft og jafn­vel verra en plágan. En bara núna rétt á meðan þessi versta bylgja gengur yfir þætti mér óskap­lega vænt um að folk reyndi sitt besta til að forð­ast pest­ina.“

Sá sami spyr þá hvað eigi að gera í næstu bylgjum. „En svo aftur allir heim þegar fjórða og fimmta bylgjan kemur. Ég er ekki heil­brigð­is­mennt­aður en er að reyna að skilja hvort það sé eitt­hvað annað lang­tímaplan en að bíða eftir bólu­efni?,“ spyr hann.

Því svarar Sólveig: „Þú verður að spyrja þrí­eykið að því. Ég er bara að reyna að lifa af svo ég kom­ist aftur í að skipta um hné og mjaðmir í fólki í stað­inn fyrir þetta shitshow.“