Íslenskur barnaníðingur handtekinn á Spáni – Braut ítrekað gegn ungri dóttur

Íslenskur barn­a­níð­ingur hefur verið hand­tek­inn á Spáni. Við­kom­andi var á flótta undan tólf ára fang­els­is­dómi í Danmörku fyrir ítrekuð kyn­ferð­is­brot gegn dóttur sinni.

Maðurinn var dæmdur fyrir að hafa neytt unga dóttur sína tíu sinnum á árunum 2006 til 2010 ásamt því að hafa lamið hana á lík­ama og höfuð með ýmsum hluta svo alvar­leg meiðslu hlut­ust. Vísir greindi frá og vísar í frétta­til­kynn­ingu spænsku lög­regl­unnar sem gefin var út í gær.

Kyn­ferð­is­brotin áttu sér stað bæði á Íslandi og í Danmörku þar sem Íslend­ing­ur­inn hlaut dóm­inn. Dóttirin var undir tólf ára aldri þegar fað­ir­inn íslenski braut á henni. Þá var hann einnig gómaður með barn­a­níðs­efni í fórum sínum. Maðurinn er sagður hafa flúið land í Danmörku og því var gefin út hand­töku­skipun á mann­inn.

Íslend­ing­ur­inn var hand­tek­inn í bænum Benissa nærri Alicante á Spáni.