Dísa varð fyrir ofbeldi: „Lögin standa ekki með okkur en við getum staðið saman“

Dísa Dungal átt­aði sig ekki á alvar­leika máls­ins þegar net­hrellir byrj­aði að áreita hana og fylgj­endur hennar á Instagram. Það var vin­kona hennar sem starfar hjá Bjark­ar­hlíð, mið­stöð fyrir þolendur ofbeldis, sem opn­aði augu Dísu fyrir því að verið var að beita hana ofbeldi. Dísa kærði málið til lög­regl­unnar sem gat ekk­ert aðhafst í mál­inu vegna þess að kerfið ein­fald­lega býður ekki upp á það. Hún vill leggja áherslu á að fólk segi frá, sama hversu ómerki­leg því finn­ist upp­lifun og reynsla þess vera.

„Á meðan lögin hjálpa okkur ekki, þá verðum við sem lendum í svona lög­uðu að segja frá,“ segir Dísa ákveðin. „Þess vegna vil ég segja sög­una mína. Ég er líka að reyna að passa mig á því að hugsa ekki að ég megi ekki segja frá því sem ég lenti í af ótta við að lenda í meira áreiti. Það er auð­velt að detta í svo­leiðis hugs­anir og verða hræddur. En skömmin er ekki okkar sem lendum í svona lög­uðu og það þarf eitt­hvað að breyt­ast, þetta má ekki við­gang­ast og ekk­ert hægt að gera. Í raun­inni eru lögin þannig á Íslandi að rétt­ur­inn er allur ger­and­ans megin og þol­and­inn getur ekk­ert gert. Lögin eru bara þannig og þótt ég viti að lög­reglan hefði gjarnan viljað hjálpa mér meira gat hún það ein­fald­lega ekki, því auð­vitað varð hún að fara eftir lögum.“

Dísa er í for­síðu­við­tali í nýjasta tölu­blaði Vikunnar sem fæst á næsta sölu­stað eða í áskrift.