Breiðhyltingar brjálaðir út í Krónuna: „Vá hvað þetta er glatað“

Heitar umræður eru meðal Breið­hilt­inga um gæði þjón­ustu í verslun Krón­unnar í Selja­hverfi eftir að kössum búð­ar­innar var breitt í sjálfsa­greiðslu. Margir íbúar eru þessu mót­fallnir á meðan aðrir kæt­ast.

Það sauð upp úr í hverf­is­hópi Breið­holts­ins á Facebook í dag. Það var Alice Björg Petersen sem hóf umræð­una. „Ekki var ég ánægð þegar ég fór í Krónuna Selja­hverfi í gær. Eingöngu sjálfa­f­greiðslu kassar. Búnir að missa alla­vega 1 kúnna,“ segir Alice reið á mann­inn.

Klara Ólöf Sig­urð­ar­dóttir, íbúi í Breið­holti, er ákveðin í því að fara aldrei aftur í Krónu­búð­ina í Selja­hverf­inu. Það ætlar Hildur Hrönn Hreið­ars­dóttir heldur ekki að gera. „Vá hvað þetta er glatað,“ segir Anda Naomy.

Kolbrún Jóns­dóttir hefði viljað sjá alla­vega einn venju­legan kassa eins og áður var. „Þetta fyr­ir­komu­lag hentar mér ekki. Mun færa við­skiptin eitt­hvað annað, ég er svo gam­al­dags,“ segir Kolbrún. 

Sigurður Hólm Sig­urðs­son hefur einmitt áhyggjur af þess­ari auknu sjálfs­af­greiðslu gagn­vart eldri borg­unum. Hann telur ljóst að margir þeirra treysti sér ekki í nýju kass­ana og leiti annað til að versla. Gréta Jóns­dóttir harð­neitar í sjálfagreiðslu. „Ég neita að fara á sjálfs­af­greiðslu­kassa, vör­urnar lækka ekk­ert við það,“ segir Gréta ákveðin. Undir það tekur Rafn Ein­ars­son. „Fólk á að bind­ast sam­tökum um að versla ekki í versl­unum þar sem þú þarft að vinna við afgreiðslu. Ekki lækkar varan,“ segir Rafn. 

Á sama tíma fagnar Bryndís Svans­dóttir breyt­ing­unni. „Ég er ánægð með þessa breyt­ingu. Ég mun versla oftar þarna núna,“ segir Bryndís kát.

Í sama streng tekur Sig­ur­laugur Gíslason, íbúi í Breið­holti. „Frábær breyt­ing í versl­un­inni, versl­un­ar­rýmið stækkar og afgreiðsla gengur almennt mun hraðar fyrir sig,“ segir Sig­ur­laugur.

Þetta er ekki í fyrsta sinn sem uppúr sýður í hverf­is­hópum á Facebook vegna sjálfs­af­greiðslu­stefnu Krón­unnar. Í síð­asta mán­uði sauð upp úr í Facebook-hópi íbúa í Miðbænum og féllu ýmiss þung orð. Ástæðan er sjálfs­af­greiðsla í verslun Krón­unnar og ljóst er að sitt sýn­ist hverjum. Sumir sögðu það hneyksli að það sé ekki boðið upp á hefð­bundna afgreiðslu meðan aðrir töldu hið þjóð­þekkta mið­bæj­ar­fólk ein­fald­lega vera með elítu­stæla.