Davíð Helgason, einn ríkasti Íslendingurinn sem fæstir hafa heyrt um, keypti glæsihúsið við Hrólfsskalavör 2 sem áður var í eigu Skúla Mogensen. Húsið er eitt glæsilegasta hús landsins og stendur það á góðum útsýnisstað á Seljarnarnesi.
Setljarnarnesvillan er 609 fm að stærð og keypti Arionbanki húsið af Skúla á 550 milljónir króna. Hins vegar hvíldu á því 449 milljónir sem Skúli hafði fengið að láni hjá bankanum. Skúli kom því út í plús við sölu hússins.
Líkt og Mannlíf greindi frá fluttu Skúli, fyrrverandi forstjóri Wow air, og Gríma Björg Thorarensen, innanhússhönnuður, úr glæsihúsinu á Seltjarnarnesinu. Þau búa nú í heilsársbústað sínum við Hvammsvík
Davíð Helgason er ríki Íslendingurinn sem fæstir hafa heyrt um áður. Hann hefur ekki verið sérstaklega áberandi á Íslandi þrátt fyrir að hann sé líklega næstríkastur núlifandi Íslendinga eins og sjá má af því að hann er kominn inn á lista Forbes um ríkasta fólk heims. Davíð er einn stofnenda fyrirtækisins Unity sem framleiðir hugbúnað fyrir tölvuleiki en hlutabréf í því félagi hafa hækkað gífurlega eftir að það var skráð í Kauphöll New York. Hann á hlut í félaginu og er virðið talið vera um 144 milljarðar króna sem er meira en markaðsvirði áðurnefnds Arion banka. Líklega er Björgólfur Thor Björgólfsson fjárfestir sá eini sem er ríkari en Davíð en í fyrra var auður hans metinn á 254 milljarða íslenskra króna
Þrátt fyrir að Davíð sé lítt þekktur á Íslandi þá þekkja flestir nánustu fjölskyldu hans. Hann er sonur Sigrúnar Davíðsdóttur, fréttamanns RÚV í London, og Helga Guðmundssonar, prófessors í íslenskum fræðum, sem er jafnframt faðir Egils Helgasonar fjölmiðlamanns og Höllu Helgadóttir. Annar Bróðir Davíðs er svo Ingvar Helgason fatahönnuður.
Athugasemdir