Taktu pláss

Eftir / Ósk Heiðu Sveinsdóttur

Þín reynsla og rödd er ein­stök. Leyfðu henni að heyr­ast. Það er það sem gerir þig áhuga­verða/n.

Ég starfa í mark­aðs­málum þar sem ég kem að því að byggja upp og sinna stað­færslu vöru­merkja, auknu sam­tali við mark­að­inn og í leiðum til aðgrein­ingar. Ég þekki kost­ina við það að nýta verk­færi vöru­merkja­upp­bygg­ingar, fyrir þína per­sónu­legu veg­ferð í átt að þínum mark­miðum.

Öflugar fyr­ir­myndir eru mjög mik­il­vægar og einnig að láta óhikað til þín taka í tengslum við það sem skiptir þig máli. Hvert stefnir þú? Það má stefna langt og það má segja það upp­hátt! Ég dáist að fólki sem þorir að láta til sín taka, fólki sem veit fyrir hvað það stendur og talar ekki bara – heldur gerir! Fólkið sem gustar af, sem sættir sig ekki við með­virkni og hefur kjark til þess að standa alltaf með sjálfu sér.

· Taktu allt það pláss sem þú þarft og vilt, það má. Það fólk sem skiptir máli hrífst með, þeir sem kunna ekki að meta það, tuða og fara. Og veistu, það er bara hið besta mál.
· Alltaf stækka – gera meira. Því meira sem þú reynir á þig, því meiri verður þinn fag- og per­sónu­legi vöxtur.
· Aldrei gera minna úr þér eða draga úr þínum krafti til að láta öðrum líða betur. Þegar þú ert með rétta fólk­inu, þá hvetur það þig áfram!

Láttu bara vaða, hafðu trú á þér og þínum hæfi­leikum, ekki láta óör­yggi stoppa þig í að rétta upp hönd þegar tæki­færin bjóð­ast. Það er nota­legt inni í þæg­ind­ara­mm­anum, en töfr­arnir og lær­dóm­ur­inn ger­ast fyrir utan hann. Með athygli kemur gagn­rýni, stundum rýni til gagns en stundum alls ekki. Áskor­unin er að skilja á milli. Þegar þú kemst í kynni við fólk sem getur gefið gagn­lega og fag­lega rýni, þá er það verð­mætt. Hunsaðu hitt. Lyk­ill­inn er að vera alltaf sönn/sannur, það er miklu áhuga­verð­ara. Stattu með þínum ákvörð­unum. Birtu grein­ina, haltu fyr­ir­lest­ur­inn, bjóddu þig fram og hafðu sam­band við fólk sem þig langar að kynn­ast. Það eru töfrar í tengsla­net­inu.

Ég trúi stað­fast­lega á mik­il­vægi þess að stíga út fyrir þæg­ind­ara­mmann, segja já við tæki­færum og alltaf teygja sig aðeins lengra og halda áfram að læra. Þessi grein var hluti af opn­un­ar­er­indi FKA Fram­tíðar í upp­hafi starfs­árs, þema árs­ins er „eng­inn filter“.

Höfundur er for­maður FKA Fram­tíðar og for­stöðu­maður mark­aðs­deildar Póstsins.