Vatnskóngur í vanda

Athafna­mað­ur­inn Jón Ólafsson er lík­lega einn umdeild­asti við­skipta­jöfur á Íslandi. Um ára­bil fór hann mik­inn sem eig­andi Skíf­unnar og seinna Norð­ur­ljósa sem rak meðal ann­ars Stöð 2. Jón var lengi ákafur stuðn­ings­maður Davíðs Odds­sonar, fyrr­ver­andi for­manns Sjálf­stæð­is­flokks­ins, og lagði honum eitt og annað til í kosn­inga­bar­áttu. Það kóln­aði svo á milli þeirra félaga og varð að gagn­kvæmu hatri. „Ég vor­kenni honum. Hann var ótrú­lega snjall og skemmti­legur. Svo fóru hlut­irnir að breyt­ast. Á tíma­bili var hægt að sjá fyrir sér að Davíð Oddsson yrði vin­sæl­asti íslenski for­sæt­is­ráð­herr­ann frá upp­hafi en svo varð hrok­inn yfir­sterk­ari,“ segir Jón um sinn gamla félaga. Jón seldi allt sitt á Íslandi og stofn­aði til rekst­urs vatns­verk­smiðj­unnar Icelandic Water hold­ing. Þessu lýsir hann í við­tali við Við­skipta­blaðið um ára­mótin. Þar segir frá því hvernig það vildi til að hann verð­ist vatns­kóngur í útlöndum. Sá rekstur hefur verið á miklu flugi en mikið tap var upp­lýst árið 2019 eða sem nemur tæpum fjórum millj­örðum króna. Samkvæmt því er vatns­kóng­ur­inn í vanda …