Vandræðagangur með nýjan forsetaritara: Gleymdist að auglýsa

Vand­ræða­gangur er með ráðn­ingu á nýjum for­seta­rit­ara í stað Örnólfs Thors­sonar, sem hefur ákveðið að hætta störfum. Gert var ráð fyrir að nýr aðili tæki við starf­inu þann1. mars, eftir rúma viku en engar líkur eru á því að það gangi eftir.

Starf for­seta­rit­ara var aug­lýst um miðjan nóv­em­ber 2020. Upp­haf­lega var umsókn­ar­frestur gef­inn til 6 des­em­ber. Mikill áhugi er á starf­inu og sóttu nærri 60 manns um. Síðan upp­götv­að­ist að gleymst hafði að aug­lýsa starfið í Lög­birt­ingi. Vegna þeirrar handvammar var umsókn­ar­frestur fram­lengdur til 6 jan­úar. Allan tím­ann var full­yrt að Örnólfur Thorsson, núver­andi for­seta­rit­ari, léti af störfum 1. mars og þá tæki eft­ir­maður hans við.

Örnólfur Thorsson er á förum frá for­seta Íslands en illa gengur að finna arf­tak­ann.

Verk­efnið er ekki í höndum ráðn­ing­ar­skristofu heldur er sér­stök hæf­is­nefnd sem á að ann­ast ferlið Í henni sitja tveir starfs­menn for­sæt­is­ráðu­neytis og Örnólfur. Formaður nefnd­ar­innar er Páll Þór­halls­son, ráðu­neyt­is­stjóri í for­sæt­is­ráðu­neyt­inu. Enn hefur hæf­is­nefndin ekki tekið við­töl við neina af umsækj­endum. af því má ljóst vera að nýr for­seta­rit­ari getur ekki tekið við starf­inu 1 mars eins og til stóð. Þetta þýðir líka að umsækj­endur eru búnir að bíða í tvo og hálfan mánuð án þess að heyra nokkuð frá emb­ætt­inu.

Samkvæmt heim­ildum Mannlífs er nú fyr­ir­hugað að taka við­töl við umsækj­endur í næstu viku. Hermt er að sumir þeirra séu lang­þreyttir á bið­inni.

For­seta­rit­ari gegnir því ábyrgð­ar­starfi að vera starfs­manna­stjóri emb­ættis for­seta Íslands.