Villikötturinn sem varð ráðherra

Ásmundur Einar Daðason, félags- og barna­mála­ráð­herra, þykir hafa staðið sig ein­stak­lega vel á kjör­tíma­bil­inu. Hann hefur unnið mikið starf í þágu barna og til að tryggja rétt­indi þeirra. Ásmundur Einar var á sínum tíma einn af villi­kött­unum í Vinstri Grænum en söðl­aði yfir í Fram­sókn­ar­flokk­inn. Um tíma var hann, sam­hliða þing­mennsku, einn af þónokkrum aðstoð­ar­mönnum Sig­mundar Davíðs Gunn­laugs­sonar, þáver­andi for­manns Fram­sókn­ar­flokks­ins, en fátt segir af þeim störfum og leiðir þeirra skildu þegar Sigurður Ingi Jóhanns­son felldi Sigmund af for­manns­stóli. Villi­kött­ur­inn var síðan ráð­herra í rík­is­stjórn Katrínar Jak­obs­dóttur. Ásmundur Einar er í öruggu þing­sæti í Norð­vest­ur­kjör­dæmi. Eigi að síður sýnir hann þann kjark að bjóða sig næst fram í Reykja­vík þar sem Fram­sókn­ar­flokk­ur­inn hefur glímt við sviðna jörð og með harm­kvælum náð inn þing­manni. Lilja Alfreðs­dóttir mennta­mála­ráð­herra náði inn í Reykja­vík suður með naum­indum. Það kemur á dag­inn í haust hvort Ásmundur Einar nær hinu ómögu­lega og leiðir Framsókn til áhrifa í Reykja­vík. Vandi Fram­sóknar er hins vegar að manna efsta sæti á fram­boðs­lista í Norð­vest­ur­kjör­dæmi þegar lit­ríkur þing­maður hverfur á braut …