Óli Björn sagður á útleið

Sú saga fer hátt í Kraganum að Óli Björn Kárason, sá skel­eggi þing­maður Sjálf­stæð­is­flokks­ins, sé að hugsa um að hætta á Alþingi fremur en að halda áfram að vera eft­ir­bátur Bjarna Bene­dikts­sonar fjár­mála­ráð­herra og Bryn­dísar Har­alds­dóttur alþing­is­manns í kjör­dæm­inu. Óli Björn hefur ekki fengið þá upp­hefð sem hann er sagður þrá og þess vegna sé jafn­vel komið að leið­ar­lokum. Engar líkur eru á því að hann kom­ist ofar á lista flokks­ins. Hermt er að hann hafi gælt við þá hug­mynd að fara fram í Norð­aust­ur­kjör­dæmi þar sem tengda­faðir hans býr. Það var þó háð því að Kristján Þór Júl­í­us­son sjáv­ar­út­vegs­ráð­herra hætti á þingi en ekki eru líkur á því. Óli Björn hefði með því að krækja sér í odd­vita­sætið orðið gjald­gengur sem ráð­herra. En nú er ekk­ert far­ar­snið að sjá á Krist­jáni Þór sem stendur enn af sér ágjöf­ina vegna Samherja og mútu­máls­ins í Namibíu. Stuðn­ings­menn Vil­hjálms Bjarna­sonar, fyrr­ver­andi alþing­is­manns, ala með sér þá von að Óli Björn fari og þar opn­ist glufa fyrir Vil­hjálms sem hyggur á end­ur­komu …