Davíð og framhjáhaldið

Mogginn fór á kostum í gær þegar hann velti sér upp úr meintu fram­hjá­haldi dans- og knatt­spyrnu­stjörn­unnar Rúriks Gísla­sonar í óþökk hans. Ekki dugði minna en tvær fréttir mbl.is um málið. Þetta er ný stefna hjá Davíð Oddssyni sem fram að þessu hefur selt dauð­ann fremur en króka­leiðir lífs­ins. Íslenskir fjöl­miðlar hafa gjarnan látið fólk í friði með þær hliðar á einka­lífi sínu sem snúa að svefn­her­bergjum fólks. En þessi nýja stefna Moggans vekur óneit­an­lega athygli og menn bíða spenntir eftir næstu upp­ljóstr­unum blaðs­ins af fram­hjá­haldi Íslend­inga, nær og fjær.

Mogginn lifir sum­part á því sem hrekkur til af gnægt­ar­borði aðal­eig­and­ans, athafna­kon­unnar Guð­bjargar Matth­í­as­dóttur í Vest­manna­eyjum en þarf einnig að búa sér til tekjur. Lík­leg­asta skýr­ingin á götu­blaða­mennsk­unni er þó vænt­an­lega sú að rit­stjórnin er farin á taugum vegna þess að Vísir.is hefur hvað eftir annað kom­ist yfir mbl.is í aðsókn. Þá verða Davíð og félagar að kanna nýjar veiði­lendur….