Bílaleikir fyrir alla fjölskylduna

Á ferð um landið er fínt að leyfa spjald­tölvunum að fá smá hvíld og rifja upp gamla góða bíla­leiki sem allir hafa gaman af.

Hvað er ég að meina?
Sá sem „er ‘ann“ fyrst býr til reglu, sem hann segir engum frá. Þess í stað kemur hann með full­yrð­ingu í þessum dúr: „Ég er að fara í úti­legu og tek með mér perur en ekki kart­öflur.“ Þá eiga allir hinir að reyna að finna út hvers vegna er í lagi að hafa með sér perur en ekki kart­öflur.
Ef einum leik­manni dettur í hug að það megi bara taka með það sem vex ofanjarðar en ekki neð­an­jarðar, svarar hann með annarri full­yrð­ingu, eins og: „Ég er að fara í úti­legu og ég ætla að taka með mér baunir en ekki gul­rætur.“
Ef þessi full­yrð­ing er í sam­ræmi við regl­una sem búin var til í upp­hafi, verður svarið: „Já, þú mátt taka með þér baunir en ekki gul­rætur,“ ef ekki, þá verður það: „Nei, þú mátt ekki taka með þér baunir en ekki gul­rætur.“
Ef svarið er rangt verður reglu­gerð­ar­mað­ur­inn að koma með annað dæmi. Ef svarið er rétt er komið að þeim sem giskaði rétt að búa til reglu.
(Lausnin var í raun að það má taka með sér ávöxt en ekki græn­meti. En það er hægt að taka margt fleira með sér en mat!)

Bílabingó

Afar ein­falt og fljót­legt og vel hægt að útbúa í bílnum ef penni og blað er með­ferðis.

Þið þurfið að hafa pappa­spjöld og penna með ykkur fyrir þennan leik.
Það er snið­ugt að vera búinn að útbúa bingóspjöldin áður en lagt er af stað í ferða­lagið.
Á spjald­inu eiga að vera 25 reitir sem þið skrifið tölur í. Eins og þið sjáið á mynd­inni.
Svo eigið þið að skoða núm­era­plötur bíl­anna sem þið mætið og krossa yfir þær tölur sem þið sjáið á þeim.
Sá sem er fyrstur að fá bingó vinnur.
Til að fá bingó þarf að fylla út alla reit­ina í röð sem liggur annað hvort lóð­rétt, lárétt eða á ská. Eða fylla út allt spjaldið. Þið ráðið!
Sniðugt er að útbúa bingóspjaldið með penna, en nota blý­ant til að strika yfir, svo hægt sé að stroka strikin út og nýta spjöldin aftur og aftur.

Frúin í Hamborg
Það má ekki segja Já, Nei, Svart og Hvítt

Hér kemur dæmi:
Hvað gerðir þú við pen­ing­ana sem frúin í Hamborg gaf þér?
Sv. Ég keypti mér bíl
Sp. Var hann flottur?
Sv. Mjög svo
Sp. Hefur þú átt bíl áður?
Sv. Já……. ohhhhh

Hver er ég?
Klass­ískur bíla­leikur þar sem þú velur þér per­sónu. Má vera hver sem er, lif­andi, dáinn eða teikni­mynd.
Hver fær eitt gisk þangað til að fundið er út hvern um ræðir, og ein­ungis má spyrja spurn­inga sem hægt er að svara ját­andi eða neit­andi.

Dæmi að góðum byrj­unar spurn­ingum:
– Ertu lif­andi?
– Ertu kona?
– Ertu Íslend­ingur?
– Leikari?
Og svo fram­vegis þangað til að búið er að finna út hver per­sónan er.

Góða skemmtun!