Hræðileg reynsla Önnu í Costco: „Hafa aðrir lent í svipuðu?“

Anna nokkur lýsir hræði­legri reynslu sinni af notkun sól­ar­varnar sem hún keypti í Costco-versl­un­inni hér­lendis. Eftir að borið kremið á sig varð hún mjög slæm í húð­inni og segir Anna aldrei hafa lent í neinu svip­uðu áður.

Þessa sól­ar­vörn keypti Anna í Costco.

Sögu sína segir Anna í fjöl­mennu sam­fé­lagi unn­enda versl­un­ar­innar á Facebook, Costco-gleði. Við skulum gefa henni orðið.

„Hræðileg reynsla af þess­ari sól­ar­vörn frá Costco, hafa aðrir lent í svip­uðu? Keyptum 30 til öryggis, kaupum alltaf froðu­vörn 20. Aldrei orðið svona. Ég er með mjög sterka húð en varð lîka slæm (ekki svona samt), erum búin að vera að spá i þetta. Höfum aldrei lent i neinu svona.“

Fjöl­margir tjá skoðun sína undir færslu Önnu. Flestir virð­ast hafa góða reynslu af þess­ari sól­ar­vörn sem hún not­aði og því geti ástæðan verið önnur en kremið. Guðbjörg er ein þeirra: 

„Á smá erfitt með að skilja að við­kom­andi hafi ekki verið með meiri með­vit­und en þetta. Ég fynn nú yfir­leitt fyrir því þegar mig byrjar að svíða í húð­ina, sko áður en húðin verður svona mikið brennd,“ segir Guðbjörg.

Gæti þetta frekar verið sól­bruni heldur en slæm sól­var­vörn?

Hulda er sann­færð um að sól­ar­kremið sé ekki orsaka­vald­ur­inn. „Þetta lýtur mikið frekar út eins og slæmur bruni eftir sól heldur en eitt­hvað eftir sól­ar­vörn­ina,“ segir Hulda. 

Guðrún Ósk hefur hins vegar upp­lifað svip­aða hluti. „Svona verð ég ef ég nota nivea sól­ar­vörn. Bara eitt­hvað efni í henni sem ég þoli ekki og brenn á núll­einni. Tekur mig alveg langan tíma að tengja við hana. Kannski er það akkúrat málið hérna, bendir Guðrún á.