Akureyringar eru þessa dagana úthrópaðir fyrir þá mannvonsku bæjarstjórnar að ætla að útrýma útiköttum á næstu árum. Skáldið Ólafur Haukur Símonarson rifjar upp að þessu tilefni að Flosi Ólafsson leikari sagði á sínum tíma að Akureyringar væri til mikillar fyrirmyndar á meðan þeir svæfu. Í vöku ættu þeir hins vegar til ýmsar skrítnar kenjar. Ólafur Hukur, sem er þekktur sem dýravinur, vill vita hvort loka eigi einnig inni mannskepnur sem míga á almannafæri.
Hilda Jana Gísladóttir, bæjarfulltrúi og varaþingmaður, lýsir ennig undrun sinni á framgöngu kollega sinna og aðför að köttunum. Fjölmargir aðrir hafa stigið á stokk og fordæmt grimmdina í garð katta. Langflestir þeirra þúsunda sem teljast kattavinir eru sameinaðir gegn bænum í norðri. Málið er um það bil að verða versti ímyndarskellur sem Akureyringar hafa orðið fyrir. Ásthildur Sturludóttir, vinsæll bæjarstjóri, er í klandri vegna stuðnings síns við málið sem talið er geta haft áhrif í komandi bæjarstjórnarkosningum. Skopmynd af bæjarstjóranum að snara kettlinga gengur ljósum logum …
Athugasemdir