Morgunblaðið er einn helsti hýsill Páls Vilhjálmssonar, bloggara og sögukennara við Fjölbrautarskólann í Garðabæ. Páll hefur unnið sér það til frægðar að lýsa Helga Seljan fréttamanni sem glæpamanni og að auki geðveikum. Flestir aðrir fréttamenn Ríkisútvarpsins hafa lent í maskínu Páls undir formerkjum spillingar og andlegra veikinda. Páll hefur lagt mikla áherslu á að Helgi og félagar hafi með frásögnum af mútum Samherjamanna í Namibíu veist að sakleysingjum. Davíð Oddsson, ritstjóri Moggans, hefur ítrekað endurbirt pistla Páls sem hann segir að sé, „öflugur bloggari“ sem hafi fjallað ítarlega um að „lögreglurannsókn standi yfir á starfsháttum RÚV og aðkomu stofnunarinnar að eitrun og stuldi“.
Mogginn í dag er engin undantekning. Þar er þó stigið stærri skref því nú líkir hann Ríkisútvarpinu og öðrum fjölmiðlum við það sem gerist í Norður-Kóreu. Þöggun vegna ríkisstyrkja og glæpir séu látnir viðgangast á Íslandi eins og þar, segir öfgabloggarinn.
Morgunblaðinu er haldið á lífi af Guðbjörgu Matthíasdóttur athafnakonu í Vestmannaeyjum og fær þar að auki himinháan ríkisstyrk sem nýtist til þess að halda áfram áróðrinum og breiða út boðskap Páls …
Athugasemdir