Alma í Nylon: „Var of mikið að spá í að þóknast öðrum frekar en að gera það sem ég var ánægð með“

Alma Guð­munds­dóttir, tón­list­ar­kona og laga­höf­undur, á afmæli í dag, og er hún 37 ára.

Alma gekk til liðs við stúlkna­bandið Nylon árið 2004, eftir að Einar Bárðason, stundum kall­aður umboðs­maður Íslands, hélt áheyrn­arprufur.

Hljóm­sveitin sló ræki­lega í gegn, og gaf út þrjár plötur á ferl­inum, auk safn­plötu.

Nylon náði eyrum Breta árið 2006, en lögin Loosing a Friend og Sweet Dreams (sem var ábreiða á lagi Eurythmics) komust á vin­sæld­ar­lista þar úti.

Nylon lagði upp laupana árið 2008 þegar Emilía Ósk­ars­dóttir hætti í band­inu en árið 2011 snéru þær þrjár sem eftir voru aftur á sviðið undir nýju nafni, Charlie´s.

Stefnt var á plötu­út­gáfu erlendis, en ekk­ert varð þó af þeim plönum og hætti Charlie´s árið 2015.

Nylon á góðum degi

Mynd: pjatt.is

Alma Goodman eins og hún kallar sig núna, hefur þó ekki setið auðum höndum, en hún býr nú í Los Angeles þar sem hún vinnur sem laga­höf­undur.

Lög eftir hana hafa ratað inn á sjón­varps­þætti og kvik­myndir ytra svo það er óhætt að segja að henni vegni afar vel.

Í við­tali við Vísi árið 2019 tal­aði Alma um áreitið sem fylgdi því að vera í Nylon.

„Maður tók þetta svo inn á sig og fannst þetta vera svo per­sónu­legt. En það mynd­aði bara þykkan skráp og varð til þess að maður hugs­aði að þetta skipti bara engu máli. Ef ég er ánægð með það sem ég er að gera skiptir bara engu máli hvað öðrum finnst. Það tók langan tíma að kom­ast þangað, en ég hafði rosa­lega gott að því – af því að ég var alltof mikið að spá í að þókn­ast öðrum frekar en að gera bara það sem ég var ánægð með.“

Mannlíf óskar Ölmu inni­lega til ham­ingju með afmælið!