Logi Bergmann Eiðsson fjölmiðlamaður var sá seinasti af fimmmenningunum sem Vítalía Lazareva sakar um kynferðislegt áreiti eða misbeitingu til að stíga til hliðar. Á meðan samfélagið lék á reiðiskjálfi vegna ásakana ungu konunnar þá var Logi í útsendingu á K-100 og gerði frekar lítið úr málinu. Sagðist reyndar í útsendingunni hafa haft það betra. En í miðjum þætti fór hann heim og tilkynnti að hann færi í „frí“. Í gærkvöld gaf hann út yfirlýsingu á Facebok um sakleysi sitt og að hann hefði andstyggð á kynferðislegu ofbeldi. Það vakti sérstaka athygli að Áslaug Arna Sigurbjörnsdóttir ráðherra Sjálfstæðisflokksins líkaði við færsluna og sýndi þannig velþóknun sína og stuðning við málstaðinn. Aðrir sem settu inn athugasemdir við færsluna fordæmdu framgöngu Loga. Hann lokaði á endanum fyrir athugasemdir.
Mannlíf var fyrst fjölmiðla til að birta ásakanir Vítalíu á samfélagsmiðlum á hendur mönnunum. Í framhaldinu kom hún í sláandi viðtal í hlaðvarpsþætti Eddu Falak.
Enn stendur sá framburður Vítalíu óhaggaður að ástmaður hennar, Arnar Grant, þjálfari í World Class, hafi leyft Loga að nálgast sig með ósæmilegum hætti eftir forskrift kynlífsspila. Logi viðurkennir nú að hafa gengið inn á parið í ástarleik á hótelherbergi en segist ekkert hafa gert umfram það. Erfitt er að sanna eða afsanna þann framburð þar sem Vítalía þarf að treysta á framburð Arnars í málinu og hann þegir þunnu hljóði …
Athugasemdir