Dauðaleit að foringja

Örvænt­ing er að bresta á meðal hluta sjálf­stæð­is­manna í Reykja­vík vegna leið­toga­mála. Eftir að Eyþór Arnalds ákvað að yfir­gefa sviðið og hætta tók Hildur Björns­dóttir keflið sem leið­toga­efni. Hildur er sum­part efni­legur stjórn­mála­maður en hún þykir ekki hafa roð í Dag B. Eggers­son borg­ar­stjóra sem hefur gefið kost á sér áfram, sam­herjum til gleði en and­stæð­ingum til ógleði. Þá er þvi haldið fram að Hildur sé um margt sam­mála Degi svo sem um borg­ar­lín­una umdeildu. Sam­herjar hennar telja að það geti komið Sjálf­stæð­is­flokknum í meiri­hluta­sam­starf í Reykja­vík og þá jafn­vel með Degi og félögum. Hildur kemur úr þeim armi flokks­ins sem kenndur er við Bjarna Bene­dikts­son for­mann. Guð­laugur Þór Þórð­ars­son, 1. þing­maður Reyk­vík­inga er ekki sáttur með að hafa Hildi í fram­lín­unni. Hulduher hans leitar nú log­andi ljósi að kandídat til að skáka Hildi en ekk­ert miðar ennþá. Raddir eru uppi um að eina sem dugi sá að Guð­laugur sjálfur taki slag­inn og víki úr ráð­herra­stóli til að verða borg­ar­stjóri …