GDRN fær barnavagn og bílstól að gjöf: „Svo það sé tekið fram þarf hún ekki að skila þessum“

Tón­list­ar­konan Guðrún Ýr Eyfjörð, eða GDRN, á von á sínu fyrsta barni í júlí en það vakti mikla furðu lands­manna þegar hún fékk gef­ins barna­vörur að and­virði 250 þús­und króna í beinni útsend­ingu eftir að hún kom fram í Söngvakeppni sjón­varps­ins.

Síðar kom í ljós að um grín væri að ræða og fékk Guðrún Ýr ekki að halda gjöf­unum sem voru meðal ann­ars bíl­stóll og vagn.

„Þetta voru propp sem voru fengin að láni og öllu skilað. Þetta var nú bara brand­ari hjá okkur og þessu var öllu skilað. Guðrún vissi að það yrði smá grín,“ sagði Ragn­hildur Steinunn Jóns­dóttir, einn kynna Söngvakeppn­innar í sam­tali við Vísi. „Rík­is­út­varpið má ekk­ert gefa svona gjafir þannig að það var gengið út frá því strax að þessu yrði skilað og þess vegna var þetta allt sett í plast og sell­ófan.“

Barna­vöru­versl­unin Fífa tók málin í sínar eigin hendur og fannst greini­lega, líkt og mörgum öðrum, hart vegið að Guðrúnu með þessu gríni. Eigendur versl­un­ar­innar gáfu Guðrúnu vagn og bíl­stól, greint var frá þessu á Facebook-síðu Fífu.

„Okkur finnst GDRN eiga skilið að fá gjafir. Svo það sé tekið fram þarf hún ekki að skila þessum,“ segir í færsl­unni.

Gjaf­irnar frá versl­un­inni eru um 220 þús­und króna virði.