Andlát litlu stúlkunnar á Þórshöfn: Mál læknisins er komið á borð landlæknis

„Ég get afskap­lega lítið tjáð mig um þetta meðan þetta er í skoðun hjá Land­lækni,“ segir Jón Helgi Björns­son, for­stjóri Heil­brigð­is­stofn­unar Norð­ur­lands segir algengt að hjúkr­un­ar­fræð­ingar líti á ein­stak­linga með heilsu­far­s­vanda­mál í stað lækna. Jón gat lítið tjáð sig um mál Berg­lindar, tveggja ára stúlku sem lést af völdum Covid-19 aðeins nokkrum klukku­stundum eftir að hjúkr­un­ar­fræð­ingur skoð­aði hana. For­eldrar stúlkunnar sögðu frá því á Stöð 2 að þau hefðu rætt við lækni sím­leiðis um kvöldið. Þá höfðu þau miklar áhyggjur af dóttur sinni sem átti erfitt með anda­drátt. Lækn­ir­inn bað um að fá að senda hjúkr­un­ar­fræð­ing til þess að líta á stúlk­una þar sem það væri um 70 kíló­metra keyrsla frá honum til fjöl­skyld­unnar. Stúlkan lést aðeins nokkrum klukku­stundum eftir að hjúkr­un­ar­fræð­ing­ur­inn fór af heim­il­inu. Hann tók hún hvorki Covid próf af stúlkunni né mældi súr­efn­is­mettun.

„Maður skilur þennan mikla harm hjá þessum for­eldrum,“ sagði Jón Helgi þegar Mannlíf ræddi við hann í morgun. Aðspurður hvort lækn­ir­inn, sem tal­aði við for­eld­rana, væri í leyfi meðan málið væri skoðað sagði hann svo ekki vera.
„Nei, þeir eru þrír læknar sem eru með þessa stöðu og þeir skipta þessu á milli sín eftir skipu­lagi,“ segir for­stjór­inn. Einn þeirra ræddi hjúkr­un­ar­fræð­ing á heim­ili þeirra.
Blaða­maður spurði Jón hvort hann teldi umræddan lækni geta sinnt starfi sínu eftir svona atburð og hvort það hefði verið rætt að senda hann f í leyfi á meðan málið væri skoðað.
„Nei, það hefur ekki verið tekin slík afstaða“

„Það er mjög algengt bara almennt í heil­brigð­is­þjón­ustu að hjúkr­un­ar­fræð­ingur líti á ein­stak­ling með heilsu­far­s­vanda­mál, það er mis­jafnt hvort það er í beinu sam­bandi við lækni eða ekki. Í þessu til­felli er það þannig að læknir getur óskað eftir að vakt­haf­andi hjúkr­un­ar­fræð­ingur líti á ein­stak­ling,“ sagði Jón
Aðspurður hvort hann viti hvers vegna hann hafi ákveðið að senda hjúkr­un­ar­fræð­ing í stað þess að fara sjálfur og hvað ráði slíkum ákvörð­unum taldi Jón að Land­læknir myndi skoða það.
„Þetta er auð­vitað það sem að land­læknir vænt­an­lega skoðar og fær þá atvika­lýs­ingu á þessu til­tekna máli en þetta er mjög algengt að hjúkr­un­ar­fræð­ingur, eða ein­stak­lingar, komi til hjúkr­un­ar­fræð­ings og þeim sé sinnt þar í sam­ráði við lækni“.