Loretta Lynn er látin: „Það verður aldrei önnur eins og hún“

Kán­trý­heim­ur­inn hefur misst eina af sinni skær­ustu stjörnum í dag. Loretta Lynn, „dóttir kola­námu­manns­ins“ er látin, níræð að aldri.

Loretta Lynn, sem var sann­kall­aður braut­ryðj­andi í kán­trýtón­list­inni, lést á heim­ili sínu í Tennessee í dag, umkringd fjöl­skyldu sinni. Hlaut hún fjöldi verð­launa á ferl­inum en hún þótti umdeild til að byrja með því hún söng hisp­urs­laust um kyn­líf og fram­hjá­hald.

Náði Lynn að koma yfir 12 lögum á topp­inn á vin­sæld­ar­listum á ferl­inum sem spann­aði sex vel heppn­aða ára­tugi. Seldi hún yfir 45 millj­óna platna og hafði gríð­ar­leg áhrif á kan­trýtón­list­ina Vest­an­hafs.

Lynn fædd­ist 14. apríl árið 1932 í Butcher Hollow í Kentucky og ólst upp við sára fátækt. Pabbi hennar, Ted Webb var kola­námu­maður en hann var inn­blástur hennar er hún samdi hið fræga lag „Coal Miner´s Daughter“ árið 1969 en árið 1976 kom úr sjálfsævi­saga hennar undir sama nafni. Geysi­vin­sæl kvik­mynd var unnin upp úr bók­inni árið 1980 en Sissy Spacek fékk Ósk­arsverð­launin fyrir að leika Lynn í kvik­mynd­inni.

Spacek skrif­aði yfir­lýs­ingu til eton­line vegna and­láts Lynn: „Í dag er sorg­ar­dagur. Heim­ur­inn hefur misst stór­kost­lega mann­eskju. Loretta Lynn var frá­bær lista­maður, sterkur og þraut­seigur brauðryðj­andi kán­trýtón­listar og dýr­mætur vinur. Ég er miður mín. Ég sendi mína dýpstu samúð til ynd­is­legu fjöl­skyldu hennar, vini hennar og dygga aðdá­endur hennar.“

Kántrý- og Blue Grass goð­sögnin Dolly Parton skrif­aði á Twitter: „Systir, vinur. Ég sakna hennar sárt eins og við gerum öll.“

Sheryl Crow minnt­ist hennar einnig á Instagram: „And­láts­frétt Lorettu Lynn kom fyrir sjónir mínar og tím­inn stopp­aði. Það verður aldrei önnur eins og hún.“