Framsóknarflokkurinn er í nokkrum vanda ef marka má nýja könnun Gallup. Flokkurinn tapar um tveimur prósentustigum og fengi aðeins 13 prósent. Þetta er klár vísbending um að flokkurinn sé að missa flugið undir stjórn Sigurðar Inga Jóhannssonar sem er í óstuði og kemur fyrir sem þreyttur og leiður á vafstrinu í stjórnmálum. Varaformaðurinn, Lilja Alfreðsdóttir, hefur lengi beðið á hliðarlínunni.Þær raddir eru uppi að klókt væri að skipta formanninum út við fyrsta tækifæri og reyna þannig að snúa þróuninni við og styrkja enn frekar þann árangur sem náðst hefur.
Það kaldhæðnsilega er að Sjálfstæðisflokkurinn fer á sama tíma með himinskautum og mælist á uppleið með 24 prósent fylgi. Þar eru þó óveðursský á lofti þar sem rannsókn á bankabralli Bjarna Benediktssonar með bréfin í Íslandsbanka er á lokastigi. Niðurstaðan þar mun hafa mikil áhrif til góðs eða ills fyrir flokkinn …
Athugasemdir