Tilfinningarnar báru Ingu ofurliði í ræðustól Alþingis: „Ég bara get ekki talað lengur“

Formaður Flokks fólks­ins, Inga Sæland, grét þegar hún ræddi ein­greiðslu til öryrkja á Alþingi.

Vísir greindi fyrst frá.

Inga tal­aði um þann tíma er hún var á þeim stað að geta ekki haldið jólin sjálf.

Á Alþingi var rædd ein­greiðsla til öryrkja og fjöldi þing­manna steig í pontu; þar á meðal Inga, sem ræddi það þegar hún átti ekki efni á jóla­mat og sonur hennar þurfti að bjóða henni í jóla­mat:

„Það var í raun­inni erfitt að þiggja það. Ég sagði honum að láta ekki svona en hann sagði „Ekki að ræða það. Ég á nóg af pen­ingum og þið ekki. Ég vil fá að bjóða ykkur í mat um jólin. Þið hafið fætt mig og klætt fram að þessu og nú er komið að mér“,“ sagði Inga og svo báru til­finn­ing­arnar hana ofur­liði og hún brast í gŕát.

Inga segir að ömmur og afar sem eru fátæk biðji sjaldan um neitt; þori ekki einu sinni að leita til hjálp­ar­stofn­ana.

Inga lagði fram breyt­inga­til­lögu þess efnis að nýr liður bæt­ist við almanna­trygg­inga­lög; sá liður snýr að því að 6 þús­und elli­líf­eyr­is­þegar sem hafa lök­ustu kjörin fái ein­greiðslu upp á rétt rúmar 60 þús­und krónur líkt og öryrkjar:

„Ég bara get ekki talað lengur. Ég er orðin svo sorg­mædd yfir þessu öllu. Ég skil ekki af hverju við látum svona. Af hverju við erum ekki góð við þá sem eiga bágt og eru að biðja okkur um að hjálpa sér? Kusu okkur á þing til að hjálpa sér.“