Njarðvíkingurinn Guðlaugur Hermannsson fullyrðir að hann hafi aðeins greitt fjórðunginn erlendis af því sem það hefði kostað hann á Íslandi að fá heildarmeðferð á tönnunum sínum. Áður en hann hélt til Ungverjalands fékk hann nokkur tilboð hér á landi og voru þau 75 prósentum dýrari en í Búdapest.
Guðlaugur segir frá þessu í pistli sem birtist hjá Fréttatímanum. Við skulum gefa honum orðið:
„Ég nýtti mér frábært tilboð þeirra í heildarmeðferð á mínum tönnum. Það sem gerði gæfumuninn er að ég fékk þessa viðgerð á fjórðungi þess verðs sem ég fékk í tilboðum innanlands.
Þeir eru með innan fyrirtækisins alla þjónustu sem þú þarft á að halda vegna meðferðarinnar, þar á meðal skurðlækningar í munnholi og bein ígræðslu og það sem mestu máli skiptir eitt flottasta tannsmíðaverkstæði evrópu innanhús, samanber ábyrgðirnar sem eru í boði. Það er því allt ferlið fyrirfram planað hjá þeim svo að það eru engir biðtímar svo mánuðum skiptir eins og tannlækningaþjónustan hér á landi býr við vegna samstöðuleysis.
Ég fór í skoðun til þeirra eftir nærri 2ja ára fjarveru vegna faraldursins og var enginn galli á viðgerðinni tveimur árum eftir framkvæmdina. Ég mun svo fara í árlega skoðun og hreinsun hér á landi og viðhalda gæðum tannanna með reglulegri tannhreinsun og góðri umhirðu. Það var ótrúlega vel staðið að viðgerðinni og ég var aldrei fyrir neinum verkjum á meðan á henni stóð.
Ég vil þakka þeim fyrir frábæra þjónustu. Það stóðst allt sem þeir sögðu og skrifuðu og öll þjónustan sem starfsfólkið veitti okkur skjólstæðingum í hvívetna.
Það skal tekið fram að Sjúkratryggingar greiða 50% af heildarkostnaðinum fyrir ellilífeyrisþega. Það er því þjóðfélagslega hagkvæmt að verðið er einungis 30% til 50% ódýrara.
Enn og aftur þúsund þakkir fyrir mig.“
Athugasemdir