Guðmundur Guðmundsson landsliðsþjálfari þarf að þola ákúrur eftir tapið gegn Ungverjalandi í gær. Eins og oft áður í sögu handboltans var liðinu spáð glæstu gengi. Yfirgnæfandi meirihluti þjóðarinnar og álitsgjafa lýstu því að liðið væri þannig skipað að nú væri komið að einhverjum besta árangri sögunnar, jafnvel heimsmeistaratitli.
Meira að segja Logi Geirsson, sá kjaftfori álitsgjafi HM-stofu RÚV, hélt varla vatni af hrifningu og upphóf liðið í hæstu hæðír En svo kom gærdagurinn með þriggja marka tapi Íslands gegn einu besta liði heims eftir að hafa verið sex mörkum yfir í hálfleik. Allt fór á annan endann í netheimum vegna úrslitanna og skrifað var um áfall þjóðarinnar og lýsingarorðin hvergi spöruð.
Sum netröllin vildu umsvifalaust láta reka Guðmund þjálfara. Logi snérist á punktinum eftir leikinn og í stað þess að upphefja hið frábæra lið í hálfleik þá botnaði hann ekkert lengur í frammistöðuleysinu. Einhverjar raddir eru uppi um að fólk verði að róa sig, hætta að skrúfa væntingarnar upp úr öllu valdi, og sýna umburðarlyndi …
Athugasemdir