Innviðaráðherra: „Þetta er auðvitað bara grafalvarlegt og vont mál“

Inn­við­a­ráð­herra, Sigurður Ingi Jóhanns­son, segir að löngu tíma­bært hafi verið að taka til í rekstri Inn­heimtu­stofn­unar sveit­ar­fé­laga; á dög­unum var stofn­unin dæmd vegna brota á jafn­rétt­islögum fyrir stór­felldan kyn­bund­inn launa­mun.

Stofn­unin var dæmd til að greiða konu 19 millj­ónir króna; eftir að hafa, yfir 40 mán­aða skeið, greitt henni um hálfri milljón minna í mán­að­ar­laun en karl­manni í sam­bæri­legri stöðu.

„Þetta er auð­vitað bara grafal­var­legt og vont mál. Ég bað Rík­is­end­ur­skoðun að fara þarna inn í stjórn­sýslu­út­tekt og erum þess vegna búin að vera að taka veru­lega til. Settum inn nýtt fólk, og því miður hefur eitt og annað komið í ljós sem var ábóta­vant í þessu og löngu tíma­bært að taka til í þeim rekstri,“ sagði Sigurður Ingi í sam­tali við RÚV.

Hann segir það eiga eftir að koma í ljós hvort fleira nei­kvætt komi upp varð­andi rekstur stofn­un­ar­innar.

„Þess vegna erum við með frum­varp þar sem við erum að færa verk­efni yfir til rík­is­ins og til inn­heimtu­manns sýslu­manns. En höldum eftir skel yfir fyr­ir­tækið, ein­fald­lega til þess að geta tek­ist á við hugs­an­leg mál sem koma upp. Fyrst og fremst hefur þetta ekki verið góð þjón­usta og verið svo­lítið sjálfala stofnun. Það var mik­il­vægt að taka á henni og þess vegna fórum við í þetta verk­efni.“