Morgunblaðið hefur farið mikinn eftir að Fréttablaðið var lagt niður. Dylgjað var um að eigandinn, Helgi Magnússon, myndi ekki greiða virðisaukaskatt og þannig fremja lögbrot eftir að útgáfa blaðsins, Torg, var lýst gjaldþrota. Þetta reyndist vera alrangt og óhróður.
Í Mogga dagsins er fjallað háðslega um grein Sigmundar Ernis Rúnarssonar, fyrrverandi ritstjóra Fréttablaðsins, sem taldi að fátt væri eftir um heiðarlega fjölmiðla á landinu eftir fall samkeppnisaðilans. Nefndi Sigmundur Ernir Heimildina og Ríkisútvarpið sem dæmi um heilindi og von þjóðar um heiðarleika. Í Staksteinum Moggans fer Davíð Oddsson ritstjóri mikinn og hraunað er yfir ritstjórann og dylgjað um að fréttamenn nefndra miðla hafi staðið að byrlun Páls Steingrímssonar skipstjóra sem var rændur síma sínum á sjúkarbeði.
„Að kalla það „metnað og heilindi“ að byrla og stela er nokkuð langt gengið, – jafnvel af
vinstrimanni,“ segir í Morgunblaðinu.
Afar sjaldgæft er að fjölmiðill gangi svona langt í óþverraskap gagnvart samkeppnisaðilum að saka þá um þjófnað og morðtilraun. Full ástæða er til að hafa áhyggjur af einokunarstöðu Moggans sem Guðbjörg Matthíasdóttir, auðkona í Vestmannaeyjum, er hýsill fyrir og þannig sú sem tryggir óhróðrinum farveg
Morgunblaðið er í algjörri einokunarstöðu á dagblaðamarkaði í dag þótt væntanlega halli undan fæti á næstu misserum vegna fárra lesenda og himinhás kostnaðar við dreifingu. Útgáfa þess, Árvakur, sér einnig um prentun blaða en var í samkeppni við Torg sem átti aðra vél sem prenta á dagblaðapappír. Talið er að Guðbjörg og félagar muni reyna að ná undir sig prentvél Fréttablaðsins sem nú er í þrotabúi Torgs til þess að tryggja einokunarstöðuna …
Athugasemdir