Jerry Springer er látinn: „Minningar um gáfur hans, hjartalag og húmor, munu lifa áfram“

Þátta­stjórn­and­inn umdeildi, Jerry Springer er lát­inn, 79 ára að aldri.

Tals­maður fjöl­skyldu Springer sendi frá sér til­kynn­ingu á WLWT5 sjón­varps­sötð­ina í Cincinnati, Ohio: „Hæfni Jerry til að tengj­ast fólki var kjarn­inn í vel­gengni hans í öllu sem hann reyndi, hvort sem það var í póli­tík, útsend­ingum eða bara að grín­ast með fólk úti á götu sem vildi fá mynd eða eiga við hann orð,“ sagði Jene Galvin, ævi­langur vinur og tals­maður fjöl­skyld­unnar. „Hann er óbæt­an­legur og missir hans er gríð­ar­lega sár, en minn­ingar um gáfur hans, hjarta­lag og húmor, munu lifa áfram.“

Jerry Springer er þekkt­astur fyrir slúður spjall­þátt sinn The Jerry Springer Show sem sýndur var í heil 27 ár.

„Hver sem er getur verið spjall­þátta­stjórn­andi,“ sagði Springer við ET þegar mið­ill­inn kíkti í heim­sókn bak­sviðs í þætti hans árið 2016. „Það er þrennt sem þú gerir sem spjall­þátta­stjórn­andi. Þú verður að geta sagt: „Hvað gerðir þú?“, „Komdu fram á sviðið!“ og „Við komum aftur af vörmu spori“. Ef þú getur sagt þessar þrjár setn­ingar, þá ertu kom­inn með feril.“