Hvít lygi Sigmars

Sigmar Vil­hjálms­son athafna­maður er þekktur fyrir snilld sína í mark­aðs­málum. Hann var svo stál­hepp­inn á dög­unum að ger­ast brot­legur við lög með þeim afleið­ingum að yfir­völd sviptu hann öku­leyfi. Sigmar nýtti þetta tæki­færi til að gefa út yfir­lýs­ingar um að hann hefði ákveðið að taka upp bíl­lausan lífstíl og ferð­ast um Reykja­vík á reið­hjóli.

Fjöl­miðlar stukku á málið og gerðu heilsu­átaki álits­gjafans ræki­leg skil. „Stóra hjóla­málið Keypti mér hjól í dag og fer fyrstu ferð­ina frá Ell­ing­sen á Grand­anum og heim í Leir­vogs­tungu í Mos­fellsbæ. Þetta verður áhuga­vert,“ skrif­aði hjóla­garp­ur­inn á sam­fé­lags­miðla og upp­skar aðdáun. 

En þá kom babb í bát­inn. Upplýst var að Sigmar hefði ekki verið sjálf­ráður um að leggja bif­reið­inni því hann hefði misst öku­rétt­indin. Sigmar við­ur­kenndi þau ósköpin öll í útvarps­þætt­inum Bak­arí­inu á Bylgj­unni. Hann hafði sorg í sælu breytt. Aðspurður stað­festi hann hina hvítu lygi en upp­lýsti að hann fengi bíl­prófið aftur í ágúst. Samkvæmt því er brot hans ekki stór­fellt. Ein­hverjir telja til­valið að hann fái mark­aðs­verð­laun árs­ins fyrir að græða á eigin óförum …