Myrkvi með nýja smáskífu: „Grúví smellur og löðrandi af ádeilu“

Ný smá­skífa frá Myrkva leit dags­ins ljós á dög­unum. Lagið heitir Mis­era­ble People og er stuð ádeilu­lag.

Í yfir­lýs­ingu frá Myrkva kemur fram að nýjasta Myrkva­verkið sé „grúví smellur og löðr­andi af ádeilu.“ Þá segir enn­fremur að „hið van­sæla fólk virð­ist skemmta sér vel, þar til tón­listin snýr baki við gleð­inni og fer að elt­ast við ann­ars konar til­finn­ingu.“ Tón­list­ar­mynd­bandið var tekið upp á tón­leika­ferð og mál­verk eftir Freydísi Hall­dórs­dóttur prýðir smá­skíf­una.

Þetta er þriðja smá­skífan af kom­andi breið­skífu Myrkva og Yngva Holm en þeir kump­ánar hafa ýmsa fjör­una sopið í gegnum tíð­ina. Týndu árin og hljóð­heimur upp­vaxt­ar­ár­anna, sitt hvorum megin við alda­mótin, brut­ust út við gerð plöt­unnar, að þeirra sögn.