Áfall fyrir Birnu

Sú nið­ur­staða að stjórn og eig­endur Íslands­banka hefðu brotið alvar­lega af sé við sölu á hlut í bank­anum felur í sér alvar­legan áfell­is­dóm yfir Birnu Ein­ars­dóttur, banka­stjóra Íslands­banka, sem fram að þessu hefur notið álits og virð­ingar. Bankinn og þar með almenn­ingur þarf að greiða yfir þús­und millj­ónir króna í sekt vegna máls­ins. Aðspurð sagði Birna í fjöl­miðlum að hún og hennar fólk ætl­uðu að læra af þessu máli. Eitt lítið úps og málið búið. Þetta er þá dýrasta nám­skeið Íslands­sög­unnar. Ekki er að heyra að banka­stjór­inn ætli að öðru leyti að axla ábyrgð fyrir að hafa brugð­ist eig­endum bank­ans, þjóð­inni.

Svo er spurt um hina póli­tísku ábyrgð. Bjarni Bene­dikts­son fjár­mála­ráð­herra fer með hlut rík­is­ins í bank­anum og ætti því að svara fyrir klúðrið. Vandinn er hins vegar sá að sið­ferði í stjórn­málum er lítið sem ekk­ert. Það sama gildir um þá sem stjórna rík­is­fyr­ir­tækjum. Klúður þeirra skiptir sjaldn­ast máli. Bjarni og Birna þurfa í engu að svara fyrir afglöp sín. Lífið í Íslands­banka gengur sinn gang …