Staða Eddu í uppnámi

Enn standa yfir hreins­anir hjá Íslands­banka í fram­haldi af brall­inu með útboð á bréfum bank­ans. Rétt eins og spáð var í Mannlífi fyrir fall Birnu Ein­ars­dóttur þá er Ásmundur Tryggva­son, fram­kvæmda­stjóri Fyr­ir­tækja og fjár­festa hjá Íslands­banka, hættur. Það var ákveðið í gær.

Ásmundur er sekur um þau inn­grip að hafa sett sig sér­stak­lega í sam­band við reglu­vörð til að liðka fyrir kaupum starfs­manna bank­ans. Ásmundur er eig­in­maður Önnu Lísu Björns­dóttur, fram­kvæmda­stjóra þing­flokks VG. Hjónin hafa bæði fjár­fest í bank­anum. Ásmundur fékk að kaupa á sér­kjörum í útboð­inu umdeilda. Fjár­mála­eft­ir­litið segir að þátt­taka starfs­manna Íslands­banka í kaup­unum hafi skapað fjöl­marga hags­muna­á­rekstra. Arftaki Ásmundar í bank­anum er Kristín Hrönn Guð­munds­dóttir, áður náinn sam­starfs­maður Birnu banka­stjóra. Kristín þykir vera mjög hæf á sínu sviði, burt­séð frá aðkomu að sölu bréf­anna. Hún er fyrr­ver­andi eig­in­kona heilsu­þjálf­ar­ans Arnars Grant.

Hjónin Rík­harður Daðason fag­fjár­fest­ir og Edda Her­manns­dótt­ir, mark­aðs-og sam­skipta­stjóri Íslands­banka, koma við sögu hags­muna­á­rekstra. Rík­harður keypti í útboð­inu fyrir 27 millj­ónir króna. Hann keypti  hlut­inn undir mark­aðs­verði, eins og fjár­festum bauðst.  Edda og Rík­harður virð­ast hafa verið einkar far­sæl í fjár­málum. Þau keyptu, að sögn Moggans, 500 fer­metra ein­býl­is­húsi við Bakka­vör á Seltjarn­ar­nesi í byrj­un sein­asta mán­aðar. Hjón­in greiddu 273 millj­ón­ir fyr­ir húsið.

Staða Eddu við bank­ann er mjög ótrygg og krafa uppi um að hún axli ábyrgð á málum rétt eins og Birna og Ásmundur. Þá er uppi hörð gagn­rýni á banka­stjórn­ina fyrir að ráða ekki að bank­anum fólk sem er óháð þeim sem leiddu Íslands­banka í þær ógöngur sem nú blasa við og virð­ast engan endi taka. Loks er mikil reiði vegna þess að starfs­loka­samn­ingar bank­ans við ger­endur verða ekki opin­beraðir fyrr en eftir nokkra mán­uði …