Jaden Smith segir að mamma hans, Jada Pinkett Smith, hafi kynnt sig fyrir ofskynjunarlyfjum

Í umfjöllun á E-News er haft eftir Jaden Smith að það hafi verið móðir hans, Jada Pinkett Smith, sem kynnti bæði hann og allri fjöl­skyld­unni fyrir ofskynj­un­ar­lyfjum.

„Ég held að það hafi verið mamma, í raun­inni, sam var fyrst í fjöl­skyld­unni til að stíga skrefið. Þetta [ofsynj­un­ar­lyfin] var rosa mikið hún í virki­lega langan tíma og að lokum síað­ist þetta inn hjá okkur hinum og við fundum þetta hjá okkur, hvert með sínum hætti.“

Jaden telur að ofskynj­un­ar­lyf hafi styrk tengslin milli sín og systk­ina sinna.

„Systkini eiga það til að ríf­ast svo mikið, og guð veit að við systk­inin höfum svo sann­ar­lega gert það í gegnum tíð­ina, en ástin og sam­kenndin sem upp­lifi í þeirra garð, bæði á meðan upp­lifin­unum stendur og utan þeirra hefur verið bæði djúp­stæð og fal­leg.“

Jada hefur lýst því yfir að hún hafi hafið neyslu ofskynj­un­ar­lyfja, þá sér í lagi plöntu­lyf, fyrir um 10 árum síðan til að bæta geð­heilsu sína. Í þætti sínum Red Table Talk árið 2021 lýsti hún því hvernig ofskynj­un­ar­lyf hefðu kýlt úr henni lam­andi þung­lyndi.

„Ég þjáð­ist af lam­andi þung­lyndi í svo langan tíma en málið með plöntu­lyfin er að þau bæði hjálpa þér að líða betur en þau hjálpa þér líka að leysa vanda­málin sem ollu þung­lynd­inu til að byrja með.“

Will Smith lýsti því svo yfir í við­tali við Lett­erman að hann hafi notað ofskynj­un­ar­lyfið ayahuasca fjórtán sinnum í kringum 2011 og fyrir vikið geti hann tek­ist á við hvað sem er sem dynji á honum og lífi hans.